Archive/Glossary
એ જ પારિભાષિક શબ્દોના ગુજરાતી અર્થ, સ્રોત પ્રમાણે ચકાસેલા — અમે લખેલા નથી.
1 resultfor “sabhã” · clear
- sabhã
- ( પિંગળ ) એ નામનો એક વિષમજાતિ માત્રામેળ છંદ. તે આનંદવસ્તુ છંદનો એક ભેદ છે. તેમાં ૨૮ ગુરુ અને ૩૪ લઘુ મળી ૬૨ વર્ણ હોય છે. | વેદમાં વપરાયેલું રુદ્રનું એક નામ. | ન્યાયમંદિર; `કોર્ટ`. | મંડળી; સમાજ. | વિચાર કરવાને એકઠાં થયેલા માણસોને સમૂહ; પરિષદ. આ સંબંધે ગાંધીજી લખે છે કે: આપણી સભાઓ વગેરે ખુલ્લામાં આસમાનની છત નીચે થવી જોઈએ. એવું થઈ શકે તો એ બહુ કરવા જેવું છે. એવો સામાન્ય રિવાજ થઈ જાય તો એને માટે મોટી જગ્યાઓ વગેરેનો વિચારપૂર્વક આગળથી બંદોબસ્ત કરવો જોઈએ. નાનાંમોટા શહેરોમાં એ કામને માટે મોટાં મેદાન રાખવાં જોઈશે. સાથે આપણી કેટલીક આદતો પણ આપણે બદલાવવી રહેશે. આપણે શોરબકોર કરવાને બદલે શાંતિ રાખતાં અને ગેરવ્યવસ્થાને બદલે વ્યવસ્થાથી બેસતાં શીખવું પડશે. આપણી ટેવો સુધારી આપણે બોલવાની જરૂર હશે ત્યારે જ બોલતાં શીખીશું અને બોલતી વખતે પ્રસંગે જરૂર હોય તેનાથી જરા યે વધારે ઊંચો એટલો જરૂર પૂરતો જ અવાજ કાઢીશું. પછી આપણે આપણા પડોશીનું ભાન રાખતાં થઈ જઈશું અને વ્યક્તિગત રીતે અથવા સમૂહમાં બીજા લોકોના રસ્તામાં આડા નહિ આવીએ, બીજાઓના કામમાં દખલ નહિ કરીએ. આ બધું કરવાને માટે કેટલીયે વાર આપણે આપણી જાત પર કાબૂ રાખવો પડશે. વધુ +